НҮБ-ын ерөнхий ассамблейгаас жил бүрийн 12 дугаар сарын 03-ны өдрийг “Хөгжлийн бэрхшээлтэй иргэдийн эрхийг хамгаалах өдөр” болгон зарласан байдаг. Энэ хүрээнд Нийгмийн даатгалын ерөнхий газрын удирдлагууд тус байгууллагын “Call center”-ийн мэдээлэл лавлагааны ажилтан П.Эрдэнэбатыг хүлээн авч, ажлын гүйцэтгэл, хичээл зүтгэлийг нь үнэлэн мөнгөн шагналаар урамшууллаа.

Энэ үеэр П.Эрдэнэбат хэлэхдээ: “Төрийн байгууллагуудаас харааны бэрхшээлтэй иргэнийг ажилд авсан анхны газар нь манай байгууллага. Ажлын байраар хангах нь хөгжлийн бэрхшээлтэй иргэдийн оролцоог хангаж, эрхийг хамгаалахад маш том дэмжлэг бөгөөд миний ижил бусад хүмүүст урам өгч, нийгэмд эерэг нөлөө үзүүлж байна гэж бодож байна” гэсэн юм. Тэрээр 2018 оны 06 дугаар сараас тус байгууллагад ажиллаж байгаа бөгөөд эрхэлсэн ажилдаа мэргэшиж байгаа залуу ажилтан гэдгийг удирдлагууд онцолж, ажлын амжилт хүслээ.