Нийгмийн даатгалын ерөнхий газраас шимтгэл төлөгч аж ахуйн нэгж, байгууллагын тогтвортой үйл ажиллагааг дэмжих, даатгуулагчид тэтгэвэр, тэтгэмж тогтоож олгоход хамтран ажиллах зорилго бүхий “Итгэлцлийн аян”-ыг 2025 оны 09 сарын 15-наас 10 сарын 15-ны хооронд 1 сарын хугацаанд зохион байгуулж байна.

Энэхүү итгэлцлийн аяны хугацаанд нийгмийн даатгалын шимтгэлийн хуримтлагдсан өртэй ажил олгогчийг алданги, торгууль зэрэг хуулийн хариуцлагаас чөлөөлж, өр барагдуулах хугацаатай гэрээ байгуулах, харилцагч банкны дансны гүйлгээг хаахгүй байх, өмнө нь хаагдсан дансыг нээх, тухайн байгууллагын даатгуулагчид тэтгэвэр, тэтгэмж тогтоож олгох, шимтгэлийн өрийг бууруулах зэрэг үйл ажиллагааг ажил олгогчтой хамтран зохион байгуулна.

Итгэлцлийн аянд нийтдээ 19.4 мянган аж ахуйн нэгж, байгууллага хамрагдана.