Эрхэм та бүхэндээ Тулгар төр байгуулагдсаны 2233 жил, Их Монгол Улс байгуулагдсаны 818 жил, Үндэсний эрх чөлөө тусгаар тогтнолоо сэргээн мандуулсны 113 жил, Ардын хувьсгалын 103 жилийн ой, Үндэсний их баяр наадмын мэндийг өргөн дэвшүүлье.
Шандаст хурдан морьд төрийн сүлдэнд эргэцэж
Шагайн мэргэ гэрэлтэж дөрвөн бэрх бууна
Есөн цацлын нүдээр ертөнцийн зүг уужирч
Ерөөл магтаал цуурайлж нар ойрхон мандана
Ээтэн хоншоорт гутал нь эрийн хийморьт өнгө орж
Эгэлгүй хүчит бөхчүүд нь ид хаваа гайхуулна
Дорнын хөх огторгуй үүлэн чөлөөгөөр мэлтийж
Долоон бурханаа нууж Монгол наадам эхэллээ
Дэлхийд гайхагдах өв соёлоо хүндэтгэн
Дэнж хотойтол сайхан наадаарай.